Լավագույն հնարավորություն հանրային կապերի (PR), գովազդի, մարքեթինգի մասնագետների և լրագրողների համար:
FYCA - Federation of Youth Clubs of Armenia
Մեր շարքերում միավորված են մարդիկ, ովքեր հոգով և սրտով երիտասարդ են, ովքեր ունեն երազանքներ և հավատում են, որ աշխարհը կարելի է փոխել դեպի լավը, ովքեր, միաժամանակ, բավականին երիտասարդ են ամեն ինչ իմանալու համար:
Ովքեր ենք մենք
Երիտասարդական ակումբների դաշնությունը հիմնադրվել է 1999 թվականին: Կազմակերպության ակունքներում է եղել ՀՀ առաջին երիտասարդական կազմակերպությունը` Երիտասարդական ակադեմիան/ԵրԱկ/:
Այսօր ԵԱԴ-ը միավորում է ավելի քան 90 երիտասարդական մասնագիտական ու տարածքային ակումբներ, կենտրոններ ու կազմակերպություններ:
Մեր առաքելությունն է` միավորելով երիտասարդական ակումբներին` բարձրացնել երիտասարդ սերնդի դերը պետության մեջ ու քաղաքացիական հասարակության կայացման գործում:
Մեր կառուցվածքը
Կազմակերպության բարձրագույն մարմինը երկու տարին մեկ անգամ հրավիրվող Խորհրդաժողովն է: Ընթացիկ ղեկավարությունն իրականացնում է ընտրված Նախագահությունը` Նախագահի ղեկավարությամբ, իսկ գործադիր մարմինը Քարտուղարությունն է` Գլխավոր Քարտուղարի ղեկավարությամբ: Հայաստանի բոլոր մարզերում ԵԱԴ-ն ունի մարզային համակարգողներ:
Մեր խորհրդանիշը
ԵԱԴ խորհրդանիշը եռաթև եռանկյունի է` Եռակը, որը խորհրդանշում է շարժում, կայունություն և միասնություն:
Մեր կարգախոսը
Բացե´նք երիտասարդական աշխատանքը
ԵԱԴ ծրագրային ուղղություններն են.
- տեղեկատվություն և խորհրդատվություն, մասնակցություն
- ակումբների զարգացում և տարածում, բաց երիտասարդական աշխատանք
- ժողովրդավարություն, քաղաքական մասնակցություն, մարդու իրավունքներ,
- միջազգային համագործակցություն, միջմշակութային ուսուցում,
- համահայկական ծրագրեր,
- բնապահպանություն, արշավներ, առողջ ապրելակերպ, կայուն զարգացում,
- տարածաշրջանային ինտեգրացիա, հանդուրժողականություն,
- գենդերային հիմնախնդիրներ, կանանց մասնակցություն,
- հետազոտություններ և հրատարակություններ, ՀԿ համագործակցություն,
- կամավորական ծառայություններ:
Մենք առաջարկում ենք
Տեղեկատվություն
- տեղական, տարածաշրջանային ու միջազգային մակարդակներում իրականացվող բազմաբնույթ միջոցառումների,
- երիտասարդական քաղաքականության իրականացման,
- ծրագրերի ֆինանսավորման հնարավորությունների,
- երիտասարդական տարբեր ծրագրերի վերաբերյալ:
Խորհրդատվություն
- ՀԿ օրենսդրության ու հասարակական աշխատանքի,
- միջազգային համագործակցության հաստատման ու գործընկերության,
- ակումբի ու կազմակերպության կառավարման,
- ծրագրի մշակման ու կառավարման,
- ռազմավարական պլանավորման,
- ուսուցման մեթոդաբանության,
- ԵՄ «Երիտասարդությունը գործողության մեջ» ծրագրի վերաբերյալ:
Ուսուցում
- մարդու իրավունքների,
- միջմշակութային ուսուցման,
- առաջնորդության,
- Եվրոպական կամավորական ծառայությունների,
- համագործակցության ու ցանցային աշխատանքի,
- ուսուցանողների ուսուցման,
- գենդերային հարցերի,
- հակամարտությունների կառավարման,
- ընտրական համակարգերի ու դիտորդական առաքելությունների,
- ոչ ֆորմալ կրթության մեթոդների վերաբերյալ:
Միջազգային համագործակցություն
ԵԱԴ-ն սերտորեն համագործակցում է տասնյակ օտարերկրյա ու միջազգային կազմակերպությունների հետ, անդամակցում է Եվրոպական երիտասարդական ակումբների համադաշնությանը, Երիտասարդական արտահայտման ցանցին, Եվրոպական երիտասարդություն և շրջակա միջավայր կազմակերպությանը, Հայաստանի երիտասարդության ազգային խորհրդին, Համաշխարհային հայկական երիտասարդական Ոստայնին և այլն:
Մեր ձեռքբերումները
-ԵԱԴ-ն ունի Հայաստանում ամենամեծ երիտասարդական էլեկտրոնային խումբը` fyca@yahoogroups.com:
-ԵԱԴ-ն վերջին երեք տարիների տվյալներով իրականացրել է ամենաշատ միջազգային երիտասարդական ծրագրերը` հնարավորություն ընձեռելով հարյուրավոր երիտասարդների մասնակցելու ուսուցողական ծրագրերի ու սեմինարների, գիտաժողովների ու ֆորումների, երիտասարդական կարճաժամկետ ու երկարաժամկետ այլ ծրագրերի:
-ԵԱԴ-ն ունի հմուտ, Հայաստանում ու նրա սահմաններից դուրս հեղինակություն վայելող անձնակազմ, իր գործունեության ընթացքում պարգևատրվել է մրցանակներով, արժանացել է պատվոգրերի:
Link:
Email:
Telephone:
+374 10 588768
Address:
4 1/1 Mashtoc ave.
0015
Yerevan